陳智燊情人節勁慳煮餐蛋杯麵　宋熙年咁講…

尋日係情人節，但喺疫情下唔少人都避免出街食飯，留喺屋企撐枱腳慶祝！好似宋熙年同陳智燊（Jason）咁，佢哋就宅在家，不過並冇愛心牛扒，而係食餐蛋杯麵加菜慶祝，夠晒經濟呀！

Jason上載照片到社交網，佢捉住老婆隻手，笑言必須承認今次並唔係最奇特嘅情人節晚餐，但令人難忘：「同囝囝喺家裏度過咗美好一天，又同陳太一齊睇成晚電視，如果咁都唔係浪漫嘅話，都唔知咩係喇，哈哈哈！」而陳太冇詐型，仲好冧咁多謝老公，笑言喺一個好私人嘅廚房食情人節晚餐，唔使預約，而Dress Code係睡衣！佢仲收到兩父子一齊畫畀佢嘅花畫，簡單又幸福！