老婆每日開工自己冇嘢撈 Bob:有咬老軟Feel

2020年02月15日 15:20
東網電視
更多新聞短片
Bob見到老婆日日有工開,覺得有少少咬老軟感覺~
育有四個仔女嘅林盛斌(Bob),早前就透露受新冠肺炎衝擊下,旗下製作公司生意受影響,自己外快都冇晒!今日佢就突然有感而發,上載一張老婆背影照,話覺得自己有少少食軟飯感覺:「呢期大部份(分)嘅工作,一係取消,一係延期,每日我嘅流程就係睇住幾隻嘢做功課同陪玩,反而佢日日就晨咁早出去幫客睇風水睇到夜晚先返。我覺得,呢期自己好似有少少咬老軟feel.......」
網民都笑言:「老軟都要有本事先食到,加油💪」、「幸福的咬老軟😂看住小朋友都唔容易💪🏻💪🏻💪🏻」又大讚阿嫂真係瘦咗好多,睇嚟都真係幾頻撲!不過大家都為佢打氣,叫佢趁時間休息吓,共度時艱分工合作咁話!