新劇又出事？張振朗驚青趕去拜神求安心

藝人張振朗今日在電視城拍攝劇集《踩過界II》，提到昨日情人節，他透露開工之外，也抽空跟女友食飯慶祝，並送了朱古力給對方，問到有否錫錫時？他尷尬地說：「呢啲都係工作先。（定係疫情時要禁止錫錫？）哈！咁深入。我剛剛病完，拍劇時又唔可以戴口罩，但公司都提供咗好多消毒搓手液，我都會經常洗手同消毒。」

對於同劇的蔡思貝撞傷頭，他稱當日自己在場：「佢呢年拍劇都好辛苦，條腰向來有事，嗰日佢瞓喺梳化，起身時個頭撞到梳化個扶手，佢當時已經話好痛，第二日仲係覺得痛，為安全起見，所以尋日喺屋企休息，身體要緊。（你都多動作戲？）都多，我又要落水又要追車，但全部都未拍，因為嗰啲場口比較多人，大家拍攝時又唔可以用口罩，所以公司先拍咗冇咁多人嘅場口，人多嘅場口就遲啲先拍。（新年去咗拜神未？）拜咗，你知我個朵幾勁，求個安心。」