鑽石公主號食啲乜?森美爆父母收情人節禮物

2020年02月15日 19:47
東網電視
更多新聞短片
真係慘!
藝人森美父母被困於鑽石公主號,森美接受訪問時,透露父母目前仍在仍需在橫濱港口隔離,數日來都留在自己的房間中,因為沒有窗及露台,wifi又不暢順,悶到感覺如坐監般:「我哋間中傳短訊傾偈,但有好有唔好,因為唔想佢哋接觸其他人,飛沫傳染嘅話仲麻煩,感覺喺船度困獸鬥。」
隔日放風一小時
不過令他有點安慰是父母的膳食算不錯:「三餐都OK,有廚房煮嘢畀佢哋食,有水同汽水,以前係用碟,不過隻船覺得安全啲好,所以全部改用即棄餐具,情人節時,仲有花同口罩等禮物添,我阿媽話郵輪送,老竇話香港政府送,唔知邊個送。」他又說今日船上每間房派一部手機,方便得到更多關於疫情資訊,但他說:「作用唔大,船上嘅人多數都係靠香港親友通知,因為佢哋都話,現在只能乾等。阿媽剛留短訊,話現在可以隔日『放風』1小時。」
森美父母已年過70歲,暫未有任何病徵,目前望日本政府可以加快檢疫,令沒有「中招」的乘客可以落船再返香港自我隔離,他說:「佢哋有啲乘客想夾份,話叫香港政府出包機,又話請願,但林鄭(行政長官林鄭月娥)話會做呢件事,所以最後佢哋冇做到。我聯絡咗阿媽,佢話有啲朋友剛驗咗,未知幾時到佢哋,如果呈陰性可能要喺其他地方隔離。希望香港政府早啲同日本交涉吓,船上面嘅檢疫方法好慢,希望可以周旋吓有冇方法快啲,畀佢哋盡快離開隻船。」
希望父母快啲回港
對於美國已計劃派包機接走鑽石公主號的美國乘客,森美說:「叫佢盡快啦,應該都做緊㗎喇,我身邊都聽到好消息佢哋應該下個禮拜啦,其實下個禮拜19、20號度,佢哋喺間房裏面隔離咗14日,希望趕得切喺嗰段時間接佢哋返嚟。」可覺得政府反應太慢?森美覺得只要趕及14日完之前返回香港就OK,在這個檢疫期間,他透露父母感到怕:「佢哋又唔落得船,根本都入唔到境,都過咗檢疫先入到境,所以14日完咗之後,喺嗰段時間能夠做得到,我都覺得可以接受嘅。」