爆《葉問4》賺12億 黃百鳴旗下戲院送口罩

2020年02月16日 14:25
東網電視
更多新聞短片
賺12億!難怪黃百鳴笑得咁開心。
電影公司老闆黃百鳴帶同藝人栢天男等現身機場準備飛往馬來西亞,出席當地電影發行商設的感恩宴。至於現今新冠肺炎疫情,搭飛機可會擔心?黃百鳴表示都會安全至上,有口罩、搓手液兼戴上空氣靜化機都齊全。
《葉問4》賺12億
黃百鳴稱自2001年的《花田喜事》與當地公司已合作十年,而《葉問4》是破馬來西亞的票房紀錄有3600萬馬幣,而上集《葉問3》是3000萬馬幣,可說是破咗自己紀錄,而農曆年《家有喜事2020》票房亦邁向700萬馬幣。在現今疫情下,他稱此票房都可以算「幫補」到,而《葉問4》在內地票房亦有12億。是否是否已賺錢?他笑言:「12億都冇錢賺,咩叫有錢賺!(但唔係你預期目標?)都係我哋目標嚟,因第一集係1億,第二集係2億,第3集8億,呢集12億係幾好啦!(冇受疫情影響?)因佢係聖誕到農曆前,所以係好彩冇乜影響到。」
旗下戲院送免費口罩
提到電影停工,黃百鳴稱本應新片《G風暴》在新年後復工,現要看疫情,不急於開工,而電影公司方面,已安排員工在家工作,暫未冇薪假等安排。講到政府提議娛樂場所暫時停業一事,黃百鳴表示有關方面曾約見院商商討,暫未有共識,現他旗下戲院亦加強消毒清潔措施,而每位入場觀眾都需要量體溫及會送上免費口罩。對於「停業措施」,他是支持:「係應該停一停,等疫情冇咁緊張先。」黃百鳴承認入座率偏低,尤其以合家歡電影最明顯。另提到金像獎取消實體頒獎禮,他表示是疫情下的一個選擇。
栢天男食維他命C增強免疫力
至於同行栢天男被問到可有去撲買口罩及廁紙?栢天男則指都是留在家中做下運動,食維他命C增強免疫力。