汪峰終於戴罩！北京陪章子怡坐月坐到煙癮起

內地女星章子怡今年1月1日為丈夫汪峰喺美國誕下囝囝，早前汪峰就同囡囡「醒醒」被拍到一齊現身北京一間醫院，今次佢哋又被撞到現身月子中心，一睇就知佢哋係去陪章子怡坐月，真係好有心！

雖然內地新冠疫情嚴重，不過都無損二人探章子怡嘅心情，上次兩個人都冇戴口罩，不過今次見面佢哋終於都做足保護措施，口罩不離身。而汪峰更忙到兩邊跑，一邊要跑嚟陪老婆，一邊又見佢開晒車拎一袋二袋，更加抱住兩大紮花束，似係為太太坐月拎補品及補給品，仲要帶住醒醒出入。不過吊頸都要抖氣，汪峰陪坐月時，曾步出室外扯煙講電話，之後佢都識做戴番口罩先入去月子中心照顧老婆。