破8年紀錄!《法證IV》首集收視報捷

20200218
東網電視
更多新聞短片
要留喺屋企,最好就梗係睇電視啦!
無綫重頭劇《法證先鋒IV》昨晚(17號)於翡翠台首播,先聲奪人,取得電視直播33點高的收視,逾215萬觀眾收看,打破過往八年來劇集首播紀錄,成為自2012年以來首集最高直播收視的劇集。《法證先鋒IV》同步在內地優酷熱播,反應亦甚佳。
黃浩然好開心
此劇主角黃浩然及李施嬅對此佳績都很開心,浩然接受東網訪問時謂:「開心呀!梗係好開心啦,小青姐(監製梅小青)今日都傳咗訊息畀我,話好好成績,但佢冇話收視幾多,話等公司公布,外間反應都好好,好多朋友都傳訊息畀我話好好睇,對上一次同小青姐合作《公主嫁到》結局篇都有45點,都係好好成績,希望收視繼續上,計埋跨平台過到40點就最好,而呢套係小青姐退休作,攞到呢個好成績好值得紀念,亦希望喺呢個疫情下帶到一啲娛樂畀觀眾。希望疫情快啲過去,大家身體健康,呢個好重要!」
李施嬅望收視Keep住高
而李施嬅接受東網訪問時說:「最後一套劇有咁嘅成績好感動,呢套亦係小青姐退休作,嚟緊希望Keep住高,所有平台都好好,仲有兩日我就要飛去加拿大,我自己會喺網上繼續收睇,呢個疫情大家留喺屋企,希望有一部戲可以令大家輕鬆一下,好似之前《金宵大廈》咁,好開心,多謝每一位收睇呢套劇嘅朋友。」
《愛回家》收視超30點
除《法證先鋒IV》外,昨晚《愛.回家之開心速遞》亦錄得30.8點收視,在同一晚有兩個節目取得逾30點收視,近年少見,實屬難得。上下線其他節目亦取得高收視成績,包括:《東張西望》26.6點,和《大醬園》29.3點。上述收視只計算直播收視,相信稍後公布7天跨平台總收視時,三線劇定必同時衝破30點,再締造另一收視新紀錄。
近期無綫晚上黃金時段收視持續上升,相信部分因為疫情影響,香港市民減少外出,留在家中,令晚間節目收視急升。