戴罩都要操！陳婉衡簡淑兒孖住做健身雙妹嘜

無綫咪神陳婉衡（Alycia）一向有做運動keep住弗爆身材，即使近期疫情肆虐，佢都未有怠慢，繼續做gym修身之餘，亦增強體魄對抗疫情。連日來都係一個人鍛煉嘅佢，呢日終於多咗個伴陪操，就係好姊妹簡淑兒啦！Alycia喺社交網上載二人合照及多段健身片，當中見佢哋戴住口罩做運動都無損戰鬥力，不停輪流舉重兼將負重升級，相當犀利。而Alycia以bra top上陣騷腹肌，相反簡淑兒就全黑包到冚密實得多，不過佢亦好識做，企喺Alycia身後拍低舉啞鈴動作，同時大晒其白滑玉背，非常養眼。