李影首入電視城　自嘲大鄉里

藝人李影為無綫節目《流行經典50年》錄影。她打趣指自己大鄉里：「第一次嚟呢個電視城，好多地方都要問路，感覺好新鮮。（有興趣再為無綫拍劇？）我冇乜所謂，啱玩咪玩吓囉，依家最緊要開心。」當問到女兒沈穎婷的去向，李影表示事業上很少多作過問：「佢返咗加拿大一段時間，近日返咗香港，不過遇啱疫情，暫時未有打算，等遲啲睇吓點啦。」她表示今次於節目內獻唱，全因薛家燕邀請：「咁依家我都幾鍾意唱歌，咪大家一齊玩吓囉。其實呢班舊同事好耐冇見，係間中茶敘見下面咋。」