差啲中伏！車婉婉講番IG遭入侵經過

藝人車婉婉日前個IG畀人Hack咗，佢已第一時間喺網上公布，叫大家小心同埋開咗個新戶口，但佢呢兩日都好努力去補救，點知都差啲中伏，畀人入侵佢戶口，佢喺社交網上留言叫講番個經過，叫大家要小心及提高警覺：「我要奉勸大家，如果無啦啦收到D啲message叫你verify個IG密碼，唔係就會取消你個account，然後有條link之類⋯⋯千祈、千祈、千祈唔好中計，啲蛋散Hacker就係喺呢個過程中，打劫你個密碼同account㗎！我嗰晚真係標晒汗，我啲片同日記變咗黑色無record，好恐怖呀！真係好彩有貴人幫忙，可以咁快攞番所有嘢，尋晚半夜三更開緊工知道無事，真係開心到一個點！即刻update晒啲嘢，再跳番part舞先。」