自爆愛浪漫男　洛兒過單身情人節

藝人楊埕與洛兒出席活動，分享近日抗疫心得及感情世界，擁有大班宅男粉絲的洛兒，自嘲感情方面相當Dry，現時單身，正等待真愛出現。問到以往戀愛經驗是否女追男？她笑說：「未試過，我好被動，多數都係男仔追，咁我又幾鍾意浪漫嘅。（今個情人節有冇追求者送花約會？）冇啦！所以留喺屋企過。」

而楊埕則自言向來男仔頭，但遇到心儀對象也不敢主動出擊：「細個有個鍾意嘅男仔，但唔會畀佢知，到過度咗個暗戀期就拜拜啦！不過依家我都冇拖拍。」問到與粉絲玩直播會否戴口罩？楊埕表示會看粉絲意願，至於與其他人同枱食飯，為了衞生着想也會食小菜為主，亦會使用公筷，更說：「呢兩個月都冇去其他地方，屋企防疫方面都做到足，同埋會多啲去郊外地方，所以身體狀況冇問題。」