做女漢子唔怕毀女神形象 倪晨曦婚後唔減產

20200222
東網電視
更多新聞短片
倪晨曦笑言一向都冇乜女神形象!
藝人倪晨曦(Elva)與鄺芷凡為香港開電視主持的節目《五星級絲打》走勻全港,介紹絲打吃喝玩樂、美容、化妝、運動的好去處。問到可擔心外界與類型相似的無綫節目《姊妹淘》比較?倪晨曦笑說:「大家唔同風格,我哋係女漢子風格,我哋表面斯文,但性格其實都好爽朗、好直。同埋市面都應該多啲呢類節目,畀觀眾多啲選。」Elva笑謂不會擔心在節目中的女漢子風格會破壞她的「女神」形象:「一向都冇乜女神形象,大家睇相可能會畀相呃咗,但係有睇片都知我唔係好斯文嘅女仔,哈哈。」
Elva表示現時心情輕鬆,集中精神拍好節目,也忙於打理剛開設的瑜伽studio,婚禮則主要由未婚夫籌備。問到婚後可會減產?她說:「婚後都會工作照舊,我係工作狂嚟,佢都知我性格,好支持我,唔會投訴。」她指婚後生BB會隨緣,暫時未有「造人」計劃。
而鄺芷凡在節目中做測試專員,除了要試食、更有浸溫泉、歎spa的鏡頭等,她笑說:「我抱住大無畏精神去為大家測試,佢哋唔係蝦我,係要去測試推介畀大家啫,佢哋high tea都有帶埋我去㗎。」兩人又希望節目可以衝出香港,異口齊聲指最希望到日本拍外照,認真姊妹齊心。
場地:Kowloon Party Room
倪晨曦:
服裝:Maje
髮型:Eas Fu@Admixhairstyling
化妝:Janice Lam@glowmakeupacademy
鄺芷凡:
服裝:METHODOLOGY