“细么”龚嘉欣奸到出汁　全靠呢样嘢！

艺人龚嘉欣于热播剧集《大酱园》中凭奸角“细么”尽显“戏功”，虽然角色奸到出汗，观众一边睇一边闹，但闹得嚟又大赞佢做得好。其实成功背后，龚嘉欣真系挨更抵夜，有图有真相，佢晒出拍摄期间嘅点滴照，相中见佢真辛苦，一趁空档即刻喺化妆间瞓觉叉电，所以话有成功真系要靠努力，佢留言：“记得当时每天开工都不容易，现在有这样的成绩，看到大家支持和鼓励的说话，再辛苦也是值得。”不少网民对佢又爱又恨，留言：“细么真系好乞人憎，睇到咬牙切齿，系你演得好好”、“真的做得超好！入形入格入神入骨！”。