蔡卓妍無暇見BB　工人姐姐出手認阿媽

藝人蔡卓妍（阿Sa）工作忙碌，經常要周圍飛，導致成日唔黐家。呢日阿Sa喺社交網發文，透露因為離開屋企近一個月，冷落咗家中貓貓，不過工人姐姐就有妙計，令貓貓感受到主人嘅愛之餘，仲一定會記住主人嘅靚樣。阿Sa晒出多段短片，原來工人姐姐怕貓貓得幾個月大會唔記得主人，所以特意用手機播放阿Sa喺IG上嘅片段，仲有聲有畫，認真有諗頭。

雖然唔知有冇成效，但貓貓似乎好受落，仲睇到非常興奮，伸手摸螢幕同主人有「近距離接觸」，相當搞笑。網友大讚工人姐姐聰明，而好友鄭希怡更留言表示：「值得加人工。」