余香凝有媽咪撐 唔畀妹妹余潔滢爬頭結婚

2020年02月28日 10:00
東網電視
更多新聞短片
今次有「姊妹花女神」做嘉賓!
藝人余香凝跟妹妹余潔滢被形容為「姊妹花女神」,香凝笑妹妹是「隱蔽青年」,兩姊妹最愛閂埋房門傾戀事,潔滢則爆媽咪下旨,不准爬家姐頭結婚。
經常與余潔滢被誤會是「Twins」的余香凝,事實比妹妹年長四歲:「不過有人會話佢個樣老過我!」不用工作,兩人最愛留在家中,潔滢被家姐取笑是「隱蔽青年」,因為鍾意匿在房間:「我好享受一個人嘅空間。」兩姊妹的共同興趣是彈結他,不時在家中你彈我唱。
對於「女神」封號,香凝笑言不敢當:「我依家都唔靚㗎!只不過係順眼囉!」自嘲中學時期男仔頭,因為鍾意打排球:「食完飯着住校裙打到身水身汗,臭㗎嘛,啲男仔都唔覺我好女仔,所以冇乜人追。」潔滢亦自嘲中學時不是靚女,皆因有兩隻「爆牙」凸出來:「叫咗我好耐先肯去箍牙。」
閂埋門傾戀事
兩姊妹情如閨蜜,若有心事、戀事情報,便閂埋房門互相傾訴,香凝說:「唔使點講佢已經好明白我。佢平時唔係好講嘢,但觀察力、分析力都幾強,會爆一句語出驚人,佢比我想像中成熟。」雖然拍拖經驗不豐富,但潔滢不時給家姐意見,她笑說:「家姐覺得我好了解佢,但我就覺得佢好似唔係好了解我!」單身的她可想過爬家姐頭結婚?香凝即爭住答:「我希望佢事業爬我頭!結婚就留番畀我先。」潔滢大叫好大壓力:「媽咪講咗家姐未結婚,我都唔好結!」香凝笑說:「咁你可能要等到40歲囉!」
此外,香凝原本3月27日在九展舉行處女演唱會,但主辦單位昨日公告鑑於疫情嚴重,為保障各方健康及安全,經慎重商討後決定延期舉行,詳情將盡快公布。
場地:Mini Hotel Central
Profile
余香凝
年齡:26歲
身高:1米72
嗜好:睇戲、睇書及彈結他
Profile
余潔滢
年齡:22歲
身高:1米67
嗜好:煲劇、打機、彈結他