新冠肺炎殺到歐美 女歌手出奇招垃圾袋着上身

2020年02月29日 13:52
東網電視
更多新聞短片
R&B女歌手全副武裝現身機場。
新冠肺炎在歐美擴散,有好多荷里活紅星都不敢怠慢齊齊Full Gear上陣,其中紅星如Selena Gomez、娜奧美金寶(Naomi Campbell)與Kendall Jenner等上機時都齊齊戴上口罩。不過點都唔夠R&B女歌手Summer Walker誇張,她日前以全副防疫武裝出埠,除了啲基本嘢如口罩手套之外,仲戴埋浴帽、髮網、口罩與太陽眼鏡等,不過最誇張就係佢仍嫌唔夠,將垃圾袋笠上身當衫着現身機場,夠晒大陣仗!至於Bieber嫂Hailey Bieber昨日由高危的巴黎飛返紐約時都全程戴上口罩,不過一抵達疫情冇咁嚴峻的紐約時,她即除下口罩上名嘴Jimmy Fallon的清談節目。
另方面,哥倫比亞頻道的美國競技真人騷王牌節目《奪寶奇Show》(Amazing Race)亦因新冠肺炎影響之下宣布暫時停拍。製作人在聲明中表示只是小心起見而非劇組有人中招。