辰亦儒掛住攬攬　曾之喬影唔到網紅相

台灣女星曾之喬與辰亦儒於今年初宣布結婚，婚後愈愛愈高調，頻頻喺社交網高調晒恩愛。日前兩夫婦去郊區度假，期間見到一片粉紅色嘅櫻花海，少女心爆棚嘅曾之喬當然想把握機會影網紅靚相，點知老公辰亦儒竟然不斷攬實佢要影家庭合照，搞到佢忍唔住喺社交網埋怨：「廣大的女性朋友們，妳們一定懂我。當妳遇見了一片難得一見櫻花海......誰要一直拍甚麼家庭式的合照啊！？（吼...家庭照簡易的拍一拍就好，有拍就好，不用拍太多張啦。）」佢仲講出心底話：「我要拍個人美照，請盡快放開我，謝謝」，十分搞笑。