郭書瑤姊弟戀玩完　唔配合男友需求係分手原因？

台灣藝人「童顏巨乳」郭書瑤（瑤瑤）2017年與細六年嘅Spexial前成員王以綸合演電視劇《稍息立正我愛你》戲假情真，二人多次被拍到約會外出，更於的士上咀唔停，愛得癡纏。不過，今日有台媒指王以綸與有「北一女神」之稱嘅蔡瑞雪撻着，瑤瑤與王以綸其實一年幾前已分手，又指瑤瑤性格保守、較自我，唔配合男友需求，最後王以綸無法忍受而分手收場，兩人互相取消關注IG，瑤瑤仲曾發文「甚至都是假的」，出席活動時被問到王以綸有否恭喜佢獲得台北電影獎提名，瑤瑤以「干他屁事」回應。

新歡蔡瑞雪擁有天使臉孔、魔鬼身材，Instagram有近60萬Followers，係唔少宅男心目中嘅女神，難怪成功將王以綸收服！