被指做第三者搞大唐詩詠個肚 馬國明真火滾

2020年03月05日 15:56
東網電視
更多新聞短片
真係好少見馬國明咁嬲。
「男神」馬國明與唐詩詠回復單身,有傳二人由兄妹升呢變戀人,更有指唐詩詠懷下「明種」大肚,講到似層層。
而之前被指是詩詠緋聞男友的陳思銘被指於社交網留言謂:「她的生命中,出現了另一位男主角,酸啲講句,雖然個男人烚熟狗頭咁樣,但似乎對佢真係好。」此留言一出,矛頭即指向馬國明,網上隨即指馬國明是第三者,而今日又有報道指他向朋友爆粗護妹,對於種種無聊新聞,東網記者問及馬國明,向來都不喜歡澄清太多的他,終於忍不住要開腔回應,坦言不想再跟陳思銘名字扯在一起。他謂:「首先我唔識佢,我亦唔知佢同阿妹乜嘢關係,我哋不嬲『鐵馬家族』有聚會都唔會問大家嘅感情事,阿妹一直都冇帶呢個男仔出嚟,我哋嘅話題亦從來冇呢個男仔,所以我點解要向佢爆粗呢?」
被誣衊第三者
他坦言今次回應,只是因為之前上網說到自己是「第三者」,亦看過有新聞過分到指詩詠懷孕,她與馬國明焗住出來認愛,他謂:「其實依家寫到亂晒,仲令人誤會經手人好似係我咁,希望傳媒高抬貴手,唔好同我再傳咁嘅緋聞,以前我一直唔講,覺得算啦!咪當係幫《白色強人》宣傳囉!不過依家真係寫到亂晒,仲影響埋我嘅人格,大家想知Zoe同唐明(二人劇中角色)有乜發展,就睇《白色強人2》啦!」
冇單獨同唐詩詠食飯
他又再三強調希望大家不要再將他與姓陳的人相提並論,根本他亦不認識對方,他謂:「其實之前啲人話我哋係同蕭正楠兩Pair人食生日飯,但其實嗰日我哋係一班人,食完嗰餐飯之後,我到依家都未見過詩詠囉!」