結婚廿年　梁小冰晒婚照慶祝：一切仍然很美

藝人梁小冰同老公陳嘉輝結婚廿周年，小冰喺社交網晒出廿年前的結婚照，留言話：「一切仍然很美，Happy 20th Wedding Anniversary」 雖然已經老夫老妻，​​​​但依然恩愛如昔。

陳嘉輝與梁小冰於1992年因劇集《兄兄我我》結緣而相戀，兩人於2000年結束8年愛情長跑步入禮堂，當年的陳嘉輝青靚白淨相當靚仔，而小冰就穿上宮廷風婚紗，兩人似足童話中的王子同公主。婚後誕下仔仔陳洋溢（Lewis），今年已經12歲，陳嘉輝為了多啲時間照顧家人。以50歲之齡回歸TVB拍攝處境劇《愛．回家之開心速遞》，飾演朱展角色，小冰更不時在社交平台分享長腿靚相，50歲的她保養得宜，難怪老公陳嘉輝咁錫老婆啦。

2012年現婚姻危機

小冰與嘉輝是圈中模範夫婦，但於2012年，卻驚爆梁小冰「背夫翹仔」，緋聞對象則是前有線主播王志海（Brian）！梁小冰當時就解釋跟Brian只係戲劇同學，又指因為自己形象太賢淑，以致一做出翹手等行為就惹來誤會，還說老公陳嘉輝好撐自己添！