捐口罩與眾分享　劉雅麗想捧紅73歲媽媽

藝人劉雅麗下午到慈雲山，出席抗炎慈善音樂會，透露打算唱二次創作《你為了肺炎》。談到抗疫物資，她透露：「我過年飛咗去拉斯維加斯，當時有朋友托我買口罩，我仲話包起我身上，點知真係一罩難求，只係買咗一堆搓手液返嚟派畀朋友。當時我得幾個口罩，好彩喺社交網站寫咗出嚟，即刻有四方八面嘅朋友送口罩畀我。」對於成為「富戶」，她表示不想囤積，故音樂會上亦會捐出口罩，與眾分享。

談到未來工作，劉雅麗笑言計劃捧紅73歲母親：「6月底同7月初我會同佢搞名為《我和媽媽有個約會》演唱會，佢依家仲咁fit，佢紅咗我就可以收山喇。依家政府啲場好難book，如果唔搞又要再等一年，今次嘅場都係執死雞咋。（唔擔心疫情？）唔會6月都仲咁啩？大家繼續努力抗炎，疫情都會緩和。」