《愛．回家》Dion晒水着　勁吸睛！

處境劇《愛．回家之開心速遞》深受網民喜愛，唔少角色相繼彈起，日前講到「Ma姐」何綺雲被刁蠻女Dion尋仇淋鏹水，令不少觀眾都對呢位Dion留下深刻印象。其實飾演Dion嘅黃碧蓮喺溫哥華出生，2012年參加《溫哥華華裔小姐競選》並獲得「最上鏡小姐」，及後再於2014年轉戰《香港小姐競選》，落選後在港發展加入無綫，最為人熟悉嘅就係主持兒童節目《Think Big 天地》，以及於節目《美女廚房》中擔任「美女學徒」。

而鬼妹仔性格嘅佢，毫不吝嗇騷身材，不時於社交網上載泳衣照，大展美好身段，見佢擁有最長美腿之餘，更曾勁晒翹臀，相當吸睛！