98歲母親離世　發哥胞姐：只係地球嘅過客

影帝周潤發的母親上月在家中離世，享年98歲。周潤發的胞姐周聰玲現身電影活動，她透露母親的身後事已辦妥，骨灰將會跟周父一同安葬於南丫島。問到心情是否已平復？周聰玲豁達地說：「每個人嚟呢個世界都係過客，去得瀟灑冇痛苦係福氣。正如作家冰心嘅詩所言每個人都係地球嘅過客。（發哥好唔開心？）每個人嘅感情唔同。人能夠活到100歲係福氣，佢瞓住覺離世係修福修慧。」

至於母親可有未了心願？她指母親很有計劃，事事都安排好：「佢要講嘅嘢都講晒，屋企每個星期日都有茶聚，多謝大家關心。今次唔想麻煩到人，因為疫情關係，所以一切低調處理，唔想張揚，唔想大家交叉感染，希望大家見諒。（係媽咪嘅意思？）媽咪都係想低調，唔想打攪到人。（發哥有冇喊？）冇，佢同老媽子成日講笑同傾偈，佢唔會傷心，但難過實有。媽媽瀟灑走一回，好放心，安心上路。」