【終極減肥】崔碧珈483小時斷食離奇保咪咪
20200310
東網電視
更多新聞短片
崔碧珈為咗靚，真係可以去到好盡！
女星為咗靚可以去到幾盡？「咪霸」崔碧珈可能畀到個答案大家！
為咗鏡頭前以非常理嘅狀態示人，佢繼之前玩生酮飲食，兩個禮拜減15磅後，就再創新猷，今次玩間竭性斷食。點玩法？就係一日只可以食一餐，只有一粒鐘進食窗口，其餘23小時都係空腹，仲要維持21日。
呢個係一個咩概念？即係你21日內，有483小時冇嘢落肚，亦即係以90分鐘冇加時嘅足球賽嚟計，夠踢322場比賽，大家可以諗諗，睇呢322場比賽，你隊咗幾多包薯片落肚。
放心，減肥「咪」還在，佢冇話因為斷食而荒廢了咪咪，仲十分阿Q咁話呢21日可以慳番唔少買餸錢喎。不過奉勸大家減定唔減，減得到先好減，都係問番你家庭醫生或營養師先好學崔碧珈喇！