《法證IV》竟然仲有黃心穎身影！

藝人黃心穎因為「安心事件」，搞到《法證先鋒IV》要湯洛雯頂硬上，要刪走心穎嘅戲份同埋重拍先可以出街！

話說，日前播出嘅一集，有網友發現有心穎嘅身影！見到一幕Office戲，見到徐意（黃心穎同湯洛雯嘅角色）背影，但呢個背影嘅身形，明顯唔似湯洛雯，而係畀佢瘦嘅黃心穎！仲有有網友發現徐意入房時着鞋同出房時嘅鞋唔同！有網友估計係為咗慳番啲補拍場口，所以只係搵湯洛雯演獨腳戲，之後再剪番落去，咁就可以慳多啲人力物力。

監製梅小青承認個身影係心穎嚟，佢話補拍有好多限制，覺得今次係一個挑戰，佢仲爆料有啲鏡頭係用CG遮咗，唔知大家睇唔睇到呢？

P5]