癌腫瘤縮細1cm 林子博太太希望有轉機

20200311
東網電視
更多新聞短片
患癌嘅Shirley希望有轉機。
無綫前主持林子博一家四口,擔任黃澤鋒主持開電視節目《我的志願速成班》的嘉賓,正在抗癌的林太Shirley精神奕奕,透露最近一次覆診,腫瘤縮細了1點幾cm,現場工作人員送上鮮花和蛋糕為她慶祝報告理想。Shirley說:「身體副作用過咗,有番氣力,早兩日覆診話腫瘤細咗1點幾cm,感覺輕鬆啲,盡量同自己講有希望嘅,有啲嘢係有轉機,畀多啲正能量自己,仔女和老公都好正面,佢哋帶好正能量畀我。」她謂現時沒有手術或其他治竂可做,醫生建議她保持現時正常生活。
林子博說陪伴太太覆診時,見有其他病人穿便利雨衣、戴帽及穿鞋套,裝備如臨大敵,他說:「當然我覺得要小心嘅,但如果去到咁,對於一個病人嚟講,心情都未必好,不過自己都做足防疫。」
提到疫情下收入大減,他直言缺工作好嚴重:「一、二月的工作全部取消,有延期,但要到八月,都只有一單,好嚴重。」他說今日仔仔可以實現廚師的志願,親自炮製營養雞胸肉給媽媽吃,他說:「仔仔自己食咗九成,佢點解鍾意煮嘢,因為見我成日煮,太太患病時唔出街食,我煮多咗,佢想同我鬥,自己上網搵啲食譜同我鬥煮。」