老公當街啜鬼妹斷正　周汶錡躁爆唔肯答！

45歲名模周汶錡（Kathy）2012年與法籍老公Julien Lepeu結婚，並為對方誕下兩子Jacques及Avner，經常喺社交網大晒一家四口溫馨合照，去年9月周汶錡與老公慶祝結婚七周年，可惜都係逃唔過七年之癢嘅命運！

今日有消息指Julien背住老婆周汶錡偷啜外籍中女，喺深水灣露天茶座幽會，期間又攬又錫，猶如熱戀中嘅情侶。事後周汶錡被追問老公偷食，佢躁爆回應：「唔好問我！」周汶錡今年情人節甫過二人合照後，就似未有再晒同老公嘅煙韌相，而三日前佢就喺社交網大晒水着靚相，表示老公做湊仔公，自己先有空閒時間出去曬日光浴。

周汶錡位於淺水灣的寓所外更有不少傳媒聚集守候，下午約六時，她名下一部白色七人車駛離寓所，但未見她在車內，司機直駛往土瓜灣，期間不斷講電話，泊車後隨即離開。

名模兼周汶錡好友陳嘉容回應事件：「我都唔清楚件事，唔知點回應，只希望件事唔係真，大家畀啲空間Kathy。」而另一名模琦琦則表示：「我諗呢啲係Kathy家事，我無任何回應。」