酒吧疫境結業　莊思敏冇蝕錢：和平離場

現年39歲莊思敏（Jacquelin）下星期將與台灣商人楊秉逸（Brian）結婚，Jacquelin一向喜歡投資做生意，經營過點心店、時裝店等，前年更於銅鑼灣投資酒吧，更不時落場幫手，今有指因Jacquelin的政治取向，令生意額直線下降，更出現欠租情況，最終被迫結業。

她接受東網訪問時，表示數月前已退股：「我唔知佢哋咩狀態，但剛剛了解過已經冇開門，但細節我都唔方便問。（有冇蝕錢？）冇蝕，係和平離場。」她又指現時沒有投資任何生意。

對於有傳她懷孕，她則說︰「梗係冇啦。」由於疫情嚴峻，她指婚後暫不會度蜜月，跟Brian亦會暫時分隔兩地。

古明華北上發展叫停

而於早前離開TVB的古明華（古佬），本來想北上發展，但因為疫情關係，所以都叫停。現年55歲的古佬加入無綫廿六載，因劇集《巴不得媽媽》中飾演「蘇基」，而令觀眾留下深刻印象，最近亦有於《法證先鋒IV》中演出，不過，原來他已於今年1月離開了ＴＶＢ，問到箇中原因，他說：「都係一啲政策嘅問題，我好唔捨得，希望之後有機會可以簽返TVB，好唔捨得。」古明華坦言決定離開無綫時，還未有新冠肺炎疫情出現，原本打算返內地發展，但現在只能暫停：「無辦法，唔好彩啫，依家只好喺屋企休息抖下先，過兩、三個月再算。」

古明華與太太育有一女，女兒現年22歲，因她患有先天性的「腎小球炎症」，所以古佬一直都很努力搵錢，高峯期更演員、配音員一齊做，自言曾工作50小時，為屋企可謂博到盡。