五日內兩度變樣　廖碧兒惹變臉疑雲

現年41歲廖碧兒（Bernice）由幕前轉做商界女強人，將紅酒生意搞得有聲有色，經常香港同加拿大兩邊飛，不過佢都唔想令喜歡佢嘅粉絲失望，閒時抽空返港拍攝ViuTV劇集同埋經常將靚相上載到社交網，慰勞一班粉絲。

不過最近Bernice喺3.8婦女節上載嘅雪地新相就惹來變臉疑雲，戴住冷帽嘅佢，真係差啲認唔出佢係廖碧兒，有啲角度睇仲有啲似張寶兒添。隨後幾日Bernice都有陸續上載新相，但又變番做廖碧兒，咁可能婦女節當日P圖重手咗少少，不過到咗今日廖碧兒張相又變咗鄭希怡同霍汶希嘅混合體，再度惹來變臉疑雲，其實應該都係角度問題啫，大家無謂再作揣測喇！