張衞健做評判　梁漢文反轉廚房煙到咳

藝人梁漢文曾經在節目《美女廚房》中，品嚐過兩道菜後嘔吐不止，需要入院。今次他誓言要報仇，自製《美女廚房2020復仇版》在家中泡製兩道菜式分別係「臭豆辣椒炒蝦」同「喇沙」，仲邀請到星級嘉賓張衞健到場監督和試菜。不過梁漢文泡製過程不斷出現笑料，除咗冇戴口罩外，仲畀煙攻到狂咳，期間煮麵時又出現唔夠水情況，需要張衞健提點。而張衞健就發揮搞笑本色問佢做乜煮「臭狗炒蝦」。不過最後佢都讚梁漢文手勢不錯，總成績達8.5分。