胡蓓蔚退出節目　周志康靠師姐唔再做番薯

藝人胡蓓蔚主持節目《無間音樂》多年，歷年同唔少拍檔主持節目，呢日周志康喺社交網透露胡蓓蔚（豹嫂）要離開節目，為歡送胡蓓蔚，周志康為佢訂造特大咪高峰蛋糕，兼頭貼頭同胡蓓蔚賣萌影相，他說：「感謝這個姐姐，愛你！」事後周志康接受東網訪問，感激胡蓓蔚教自己嘅一切：「《無間音樂》係我主持第一個嘅音樂節目，當時完全唔識去主持，但豹嫂好有耐性教我，去到後期我已經唔係番薯，同佢主持啲大型節目，感覺好似亦師亦友。」

另外，有份主持嘅謝文欣亦指非常感觸：「我哋幾個主持特登訂咗個蛋糕同成班同事一齊畀個surprise佢，其實今日好感觸，豹嫂一路都好照顧我哋同教咗我好多嘢，係佢教我要相信自己，做得到就真係會做到。」