產後兩個月開船P　楊政龍女友火速收身

英皇集團主席楊受成的細仔楊政龍（Alex），趁着呢幾日天氣好搞咗個船P，同女友黃子菲 （Ava）、好友林奕匡與太太李靄璣，以及馬天佑等人一齊出海暢玩。見到林奕匡喺船上拎住結他自彈自唱娛賓。而楊政龍就忙於叫女友和李靄璣充當模特兒，喺船頭擺pose畀佢影相，馬天佑就充當指導教二人擺pose。Ava今年一月為楊政龍誕下B女，但見她已火速修身回復窈窕身形，並留言向男友示愛，表示：「你知道你和太陽有甚麼區別嗎？太陽在天上，你在我心裏。」