用晒成支先知　熱依扎生髮精華當面部精華

知識改變命運，雖然有話識人好過識字，但係識多幾隻字，好多嘢都會改寫！有「新彊四美」之稱的內地女星熱依扎喺微博自爆瘀事，擺烏龍將生髮水，以為係面部精華！她說：「記住！以後不要看到甚麼寫着精華露就往臉上噴！一定要看清楚上面的英文字！一定要！朋友送的，我用完整整一瓶！每次（敷）面膜前狂噴那種心說：『哇！哦！皮膚吃飽飽呢！』」

點知熱依扎見咁好用，諗住入貨上網買時，先至發現原來支所謂嘅精華係噴頭髮：「是噴頭的！長毛用的！120毫升！全部用光！」網民笑爆反問熱依扎，塊面有冇生毛毛變猿人時，明畀人寸嘅佢仲覆：「我好美！」但亦有網民話用咗成支，塊面都冇生毛，支生髮水一定好唔掂！