【閨蜜睡房】陳曉東為垃圾 向老婆開火!

2020年03月19日 00:00
東網電視
更多新聞短片
大家記得收睇喇!
藝人陳曉東(東東)東東與老婆王妤嫻2014年結婚,育有兩女,夫妻一凹一凸非常恩愛。早前二人擔任東網巨星節目「海馬牌床褥特約」《閨蜜睡房之Brother來了》嘉賓,一連三集與主持人俞詠文暢談恩愛史。
妤嫻坦言喜歡東東誠實:「他不會騙我,如果我穿得不好看,就說穿得不好看,他會好認真,用電話幫我拍照,然後說這很胖。」東東得戚說:「我攞起件女裝衫,望一望就知道啱唔啱佢着。」妤嫻即指老公說話總是對的。
期間東東提起曾經為丟垃圾與老婆拗交說:「成房都係垃圾,我話唔識掉,佢話呢件垃圾係我,我就話垃圾都要寫名㗎!如果要寫名,我喺度畫一個區,再同你拗過,垃圾要寫名字嗎?」妤嫻見老公「躁底」,即溫柔呵番:「好啊,知道喇!」成功撲熄老公怒火,並自爆經常先道歉:「他才是對,因為他看的事情、經歷比我多。有時候女生會帶着情緒,男生會理性,他看的東西跟我不一樣,所以會把我拉回來。」躺在床上聽老婆讚自己的東東,心情非常舒暢。
一向保養得宜的東東,似吃了防腐劑,不過多年被指整容,他不嫌其煩再三澄清:「成日話我膠面,我呢塊真面嚟,真係唔係膠,我係乾呀!除咗敏感之外,我嘅皮膚係好好,如果面上有粒粒,兩日就會乾死。」而妤嫻爆出老公身體某部位似飛彈,令不少女士羨慕。想知道二人更多秘密?記得本星期五、六、日收睇《閨蜜睡房》!