自爆有戀事　衛詩望與家姐同日結婚

歌手衛詩（Jill）為無綫娛樂新聞台節目《StarTalk》擔任嘉賓，大談推出新歌《了解中》感受。她表示製作這首歌期間，的確是跟一個男仔在了解中，但現時大家已保持朋友關係。

對於已經有一段時間未有拍拖，Jill說：「反而媽咪心急啲，每一次打電話嚟都第一時間問我同家姐有冇男友，可能佢想我哋Settle Down，想抱孫。我希望我可以同家姐同一日結婚，因為我哋同一日出世，同一日結婚我哋就唔使擔心大家冇人照顧，我成日都叫佢唔好留喺屋企咁多，要多啲出街。（有甚麼擇偶條件？）我鍾意黐家嘅男仔，最好鍾意小朋友，因為細個嘅時候父母離婚，所以唔知乜嘢係健康嘅婚姻，令我更想追求健康嘅家庭。」

早前Jill赴台灣參與寫作營，她說：「一邊學國語、一邊寫歌，去咗個半月，認識咗好多音樂人，喺佢哋身上學到好多嘢。覺得幫人寫歌冇咁大壓力，反而寫畀自己成日想改，好固執，搞到寫極都唔啱咁，依家寫歌信心大咗少少，希望今年可以再去多次，寫多啲歌之後出大碟。」