拍拖避「炎」！彭懷安孖未婚妻行山搵食

藝人彭懷安（Eddie）早前爆出婚訊，同圈外女友Ivy秘密入紙排期註冊結婚。而尋日佢哋更係婚訊曝光後，首次「公開現身」晒恩愛，Eddie喺社交網上載與未婚妻及一眾友人嘅行山相，並留言：「今早天雨路滑，由原本嘅大東山轉戰去大澳，行咗十幾K，梗係為咗壓軸重頭戲啦，為乜？梗係為食啦，除咗食，都係食。」相中見Eddie揸機自拍，而Ivy則嘟晒嘴兼舉V，心情靚到爆。