再拍《陀槍師姐》!陳豪扭傷腳拐住開工

2020年03月22日 23:08
東網電視
更多新聞短片
陳豪同陳庭欣拍新劇。
藝人陳豪和陳庭欣在電視城餐廳拍攝新劇《陀槍師姐2020》,見陳豪行路一拐一拐,原來他日前開工時不慎扭傷腳,還未完全康復,身為硬漢子的他不當一回事:「睇咗醫生,好快就會好番,相信嚟緊嘅動作同奔跑場面,都可以親身上陣。」其實陳豪曾於《陀槍師姐III》演過反派,這次是他第二次拍《陀槍》系列。
談到新冠肺炎在美加急速擴散,陳豪坦言太太陳茵媺對身在當地的父母相當憂心:「外父外母都有留意香港最初嘅情形,所以埋身都算識得應付,大家Keep住溝通,好彩即使當地有搶購潮,買到返嚟嘅嘢都係Mega(巨型),暫時應付到。」對於三名子女停課,他說:「我負責教佢哋中文,依家要開工比較難,但佢哋幾個感情真係好好,互相照顧,令我好欣慰。」
陳庭欣笑宣萱大食
陳庭欣表示相隔兩年再拍劇,準備功夫花了不少時間,她說:「開工前我啱啱先同女主角宣萱開完套電影,嗰時我已經同佢講會再見面。原來佢好食得,食完飯盒都唔夠飽,真係睇唔出!」又透露疫情爆發後愛與男友玩「煮飯仔」,大讚他廚藝了得。