金像獎辦公室撞正疫廈　田啟文：叫咗同事暫避

新冠肺炎確診個案持續，衞生防護中心昨公布最新個案名單，涉及多名學校教職員，而該校位於尖沙咀好兆年行，與香港電影金像獎協會會址位於同一幢商業大廈！金像獎董事之一的田啟文回覆東網表示：「依家叫咗啲同事暫時避一避先，冇需要嘅就留守屋企，有需要返公司嘅就小心為上。依家真係冇辦法喇，好多哋方都有人確診。」

談到本屆金像獎頒獎禮，田啟文表示倘未有進一步落實方案。至於整個電影業幾乎停頓，他透露：「下個月我哋會推出一個技能提升計劃，申請撥款約一千萬左右，拍啲短片稍後喺網上分享，亦會喺相關嘅講座播放。以前大家掛住開工拍戲，完全冇做過呢方面嘅培訓工作，我覺得係唔健康嘅。雖然依家疫情肆虐，但希望大家一齊捱過去，會見到曙光嘅。」