疫流花旦搵嘢撈　熱依扎搞大對眼素顏博垂青

全球演藝事業都受到疫情影響，好多藝人趁空閒時間悉心經營自己個社交網，同粉絲互動Keep住人氣！「新疆四美」之一的內地女星嘅熱依扎（扎扎）呢日喺微博上載自拍照，指戴咗爸爸副遠視眼鏡之後，發現隻眼變大：「帶我爸的遠視鏡發現拍攝看上去眼睛變大了！準備給自己也配一個。」但有唔少網友指勸佢唔好亂咁戴人哋嘅眼鏡，因住傷害視力！

佢之前喺微博自爆瘀事，將生髮水睇錯係面霜，素顏上陣嘅佢，皮膚好似真係唔錯，難怪有網友問佢：「姐，能分享下護膚品嗎？皮膚好好好好吖！！！」佢即時為自己宣傳，希望引嚟廣告商垂青：「任何護膚品用在了我的皮膚上，都能很好的發揮它的價值。（不知道這樣能不能招商引資）」無時無刻都可以幫自己搵工作，網友都畀個服字佢！