一代宗師陳秀中病逝　錢小豪追思會悼念

「大聖劈掛」掌門陳秀中早前在加拿大病逝，享年86歲。一眾在港門生下午於九龍灣為他舉行追思會，圈中人包括黃浩然、錢小豪、錢嘉樂及黃嘉樂等紛紛現身，向這位一代宗師作最後致敬。

錢小豪受訪時坦言：「佢（陳秀中）係我師公，我12、3歲開始喺佢位於大坑嘅拳館練武，係我嘅少年回憶。呢幾年都有同師公聚會，不過人生無常，佢為武術界作出好大貢獻，希望大家能夠薪火相傳落去。」

細仔由英國返港自我隔離

談到他的小兒子因為新冠肺炎疫情，日前由英國返港，小豪表示：「佢返咗嚟5日，同佢媽媽喺粉嶺住，我因為要開工所以冇見佢哋。我叮囑佢一定要守規矩自我隔離，咪留喺屋企打機囉，呢樣嘢為人為己唔可以咁自私。」

對於有返港人士隔離期間擅自外出食飯，他答：「我都喺社交媒體呼籲過叫大家唔好咁自私。我要開工冇辦法，但其餘時間都留喺屋企，講真我接咗套戲（電影《手捲煙》）因為低成本，如果延期開工佢哋唔夠製作費，我想幫下啲年輕導演所以『冒險』。」