馬國女神之戰！巨胸人母級網紅挑李元玲機
20200325
東網電視
更多新聞短片
揀邊個好？
有馬來西亞「鋼琴女神」之稱嘅李雲迪徒弟李元玲（Cathryn），因為擁有魔鬼身材天使面孔而爆紅，Instagram追蹤者高達140萬人！佢都好識做日日都晒性感照，保持追看度，但最近就有位人母級網紅人氣急升，誓搶做馬國女神呀！
呢位網紅Quah Sue Theng（Cherry Quahst）比李元玲細2年，現年28歲，本來係空姐，但紅咗之後就辭職專心做網紅同做老闆娘創立個人服飾品牌！去年12月榮升人母嘅佢近日大晒完美曲線，極速收身成功，完全唔似生過BB！而產前產後始終如一嘅佢，一直都喺Instagram上載噴血性感相晒巨乳，更獲封為「最胸空姐」，難怪追蹤者有成168萬人，超越李元玲呀！
現年29歲、身懷32E「胸器」嘅林明禎，可以話係馬來西亞女神始祖，一頭短髮嘅佢行清爽路線。歌影視三線發展，早年仲拍埋香港電影，所以喺香港有一定知名度！論性感程度就比較低，喺Instagram嘅照片都比較密實，追蹤者100萬多少少！
有「林明禎接班人」之稱嘅蔡卓宜（Joey），係4位之中年齡最小，只得26歲，經常喺Instagram着貼身吊帶衫晒Big爆照片，近年憑甜美笑容及豐滿身材彈出，追蹤者都有97萬！唔只樣靚身材正，仲識彈大提琴同打鼓，多才多藝！雖然年紀輕輕，但早年被爆秘婚兼離婚，雖然佢冇正式回應，但前夫已刪走合照！回復單身嘅佢走出離婚陰霾後重新出發，參加大陸選秀節目，誓進軍中國市場！