李施嬅在家隔離 胡說八道會隔空力撐

2020年03月25日 22:49
東網電視
更多新聞短片
李施嬅喺加拿大返咗香港。
藝人李施嬅早前飛到加拿大拍劇,但因為疫情嚴重,故劇組被迫暫停拍攝,而李施嬅改機票返香港,但需要喺屋企隔離14日。
佢喺社交網拍片交代近況,指今日係隔離嘅第三日,話好多謝大家關心佢起居飲食:「好多人問我有冇嘢需要,好多人關心我好開心,亦有人放啲嘢食喺我門口,其實香港好方便,可以叫外賣,所以So far so good啦。」佢透露落機後嘅情況,又呼籲同佢一樣要隔離嘅人,要乖乖哋留喺屋企,唔好為社會帶來負擔。
雖然宅喺屋企悶到爆,好在佢有一班「胡說八道會」嘅好姊妹隔空撐佢,胡定欣留言:「你需要我們嗎?」而胡蓓蔚則留言問不如Video Call見吓,但李施嬅問到幾時,佢話要睇埋李施嬅有份主演嘅劇集《法證先鋒IV》播完先。