疫境打擊零收入　小方：撐得幾多得幾多

藝人方力申到將軍澳電視城錄影《娛樂大家10點半》節目，已有一段時間沒有亮相TVB的小方，疫情令他流失大量工作量：「二月係零工作零收入，所以話原來有儲蓄係好重要，3月份都係得兩樣嘢做，幫啲網上Crew拍攝。」

其游泳學校亦於二月開始停課，何時復課要待教育局公布。問會否擔心暑期旺季仍難以恢復？他說：「都冇辦法，今年都打定輸數，2018年開校，原本如果順順利利可能今年回本，但依家唔得喇！開頭仲話開學校唔係為賺錢係為理想，真係烏鴉口！」

他表示學校有七名全職員工，3月開始要放一半無薪假期，可能之後會更多，但不打算裁員：「我哋又唔係有幾十個人，我撐得幾多得幾多，都聽到好多運動教練轉咗去做送外賣或者揸的士。」

講到奧運會將延期一年，小方大表贊同：「依家大家仲要隔離，之後操練都要時間，所以一定要延！延期的話對唔同年紀嘅運動員係有唔同影響，可能年紀大啲就要捱多年，至於香港游泳隊仲要一段時間達標，多咗時間應該係有好嘅影響。」