黃百鳴抗疫自救 吳千語贊成:安全最緊要

20200325
東網電視
更多新聞短片
新冠肺炎重創百業,黃百鳴建議政府下令戲院停業14日,以減少人群聚集的風險,袁詠儀、吳千語支持。
新冠肺炎令本地經濟變得一池死水,旗下擁有「Cinema City」院線5間戲院的黃百鳴,決定抗疫自救!早於今年2月,每日每場之間已加強清潔戲院每一個座位,並為入場觀眾派發口罩、探熱、提供酒精搓手液等,更投放逾百萬元,購入十部國際醫療級消毒機,以提高戲院衞生標準,保障觀眾和員工安全。除此之外,如發現戴上電子監控手帶人士進入戲院,會即時報警。
對於各大戲院的抗疫方法,當中包括隔行售票,黃百鳴昨接受訪問時表示,最有效的方法是政府下令關戲院14日,以防止人群聚集:「新加坡政府都宣布咗所有戲院需要停業至四月底,以控制疫情,我好同意佢哋嘅做法,香港政府唔好慢幾拍,應該都要咁做,下令關閉戲院14日,咁先可以有效阻止疫情繼續爆發!」
黃百鳴指本身都想自發關閉旗下戲院,但其戲院多在商場內,此舉將要賠償商場的損失,最後只能作罷。強制關閉戲院必有經濟損失,黃百鳴說:「政府如果下令關戲院都應該會有啲資助,大家共度時艱,最緊要係市民嘅安全。」
許多片商拒絕安排新片在疫境上畫,令內地戲院「冇戲上」而將《葉問4:完結篇》的映期延長,香港戲院也遇上同樣情況,黃百鳴說:「如果香港政府唔下令關戲院,我哋都要想辦法,四月一日喺哥哥(張國榮)逝世嘅紀念日,佢喺17年前離開咗我哋,當時咁啱係沙士爆發嘅時間,我嘅片庫有十部哥哥嘅電影,其中我哋修復咗兩部經典作《白髮魔女傳》同《夜半歌聲》做4K版,四月一日起會播放,其中《夜》片仲係哥哥最後一部做監製嘅作品,好有紀念價值。」
對於黃百鳴的建議,袁詠儀與吳千語都覺得很很好,吳千語說:「大眾安全最緊要,關戲院14日,防止群眾聚集,係其中一個防疫嘅好方法。」袁詠儀亦覺得建議可取,但最緊要都是大家要做好防疫工夫,衞生最重要。