許廷鏗胡鴻鈞反面　過來人吳業坤呻長期缺腳

歌手吳業坤、許廷鏗及胡鴻鈞同是「巨聲幫」出身，坤坤於2016年突然爆紅，盛傳當時遭許廷鏗及一班老友杯葛，雖然當事人先後否認，但坤坤過去幾年已甚少參與他們的聚會。

今次輪到胡鴻鈞被杯葛，吳業坤被問到可有聽聞兩人擘面，他坦言：「我哋三個真係好耐冇試過一齊，不過2月初我搵過Hubert玩Beatbox，拍咗片放上網。」問他是否與Hubert較老友？他說：「只係我同Hubert識得耐啲，所以熟啲。（盛傳佢哋因蔡思貝令友誼生變？）吓？私底下佢哋有冇見面，我真係唔知喎。」又表示不知胡鴻鈞與蔡思貝拍拖：「佢冇講過，亦冇喺我面前介紹過。」