閃到手機都壞　辰亦儒曾之喬難得晒恩愛

台灣女星曾之喬與「飛輪海」的辰亦儒拍拖九年，戀情收得好密，到今年1月終於宣布婚訊。公開咗關係之後，睇得出佢哋成個人都輕鬆晒，唔使再收收埋埋，可以大方晒愛。今次曾之喬就喺社交網上載咗同老公做運動行山相，仲特別揀咗台灣地標101大樓做背景，曾之喬靠喺老公旁邊，幸福滿瀉留言：「感到沮喪的時候，不知道該怎麼辦的時候，就去找大自然爸爸媽媽吧。致所有辛苦的你，一起加油加油加油！」唔少粉絲留言大讚佢哋呢張放閃相好幸福，好友關韶文仲搞笑話畀佢哋閃到電話都壞埋，成個手機畫面都係得白色。