李施嬅解剖至親標淚晒演技　網民睇到心噏

《法證先鋒IV》結局篇劇情愈來愈緊張，剛播出的一集，娟姐（羅蘭飾）和秋姐（謝雪心飾）齊穿起婚紗行騷，雖然兩老加起來150歲，着上婚紗甚為好看，散發雍容華貴一面，一啲都唔輸蝕過低胸性感的張曦雯。劇情一轉，秋姐被殺，由家希（李施嬅飾）為秋姐做法證解剖，鏡頭下的秋姐，遺容面如死灰，仿如真死人，神似度嚇窒觀眾，施嬅演繹的內心感情，大家都睇到極之心噏。

而首次擔任劇集形象顧問的時裝設計師何國鉦，亦粉墨登場，角色做番他的本行時裝設計師，他說在小青姐悉心安排下，有幸客串其中一個單元和羅蘭姐及心姐等做對手戲，笑言本來想約好朋友一齊睇，但因疫情關係，改為各自在家看，然後在WhatsApp分享。