《愛回家》爆SheShe戀？林凱恩偷啜鄺潔楹示愛

無綫處境劇《愛．回家之開心速遞》「Bonnie」林凱恩同「Venus」鄺潔楹（Judy）戲內戲外都感情要好，兩個成日孖公仔出雙入對，林凱恩更多次向Judy公開「表白」，傳出「SheShe」疑雲！

尋日兩女無懼疫情出外歎居酒屋，林凱恩喺社交網晒出「約會」合照，兩個拎起酒杯，嘟起嘴仔面貼面，相當親暱。其中一段短片，林凱恩不諱言話「我哋拍拖喇」，然後突襲Judy向佢施吻，唔講真係以為係一對！林凱恩留言：「不變的是，無論她是誰是那個角色是Judy還是Venus，我也一樣愛她，也一樣覺得她很可愛很美♥️」佢仲加上「我的可愛女友」、「她更愛我」嘅hashtag，呢對「SheShe」愈戀愈浮面，唔通今次嚟真？