陳山聰負責叫床　謝東閔為朱智賢放狗

藝人謝東閔到電台宣傳新歌，他好友何雁詩因發燒惹來新冠肺炎中招疑雲，而謝東閔和何雁詩昨日同在無綫開工，但沒有碰面，他說：「咁大鑊，呢排冇見，對上一次見已經係幾星期前，都會問候吓，我諗佢冇事嘅，其實我就唔驚，係驚惹到人，因為同父母住，呢個病對年紀大嘅人係高危。」

談到曾於公園目睹何雁詩與鄭俊弘放狗，問是否幫緋聞女友朱智賢（朱朱）放狗？他說：「間唔中啦！因為隻狗有心臟病，一日食幾次藥，佢要開工我就幫下手。（朱朱之前公然幫你Plug歌，係咪好冧？）都開心，咁好朋友，同埋首歌喺網上音樂平台成為第一名，好開心入行10年，作為樂壇初哥有人聽我唱歌。（會唔會尷尬？）唔會，楊明都咁多年先攞『飛躍』啦！有心唔怕遲。」

問近日可會減少外出？謝東閔表示多數外出做運動，但會把時間提早到清晨跑步：「陳山聰會打畀我叫一齊跑，有叫床服務，因為一早跑步輕鬆啲，冇咁多人。」