隔離14日點過?崔碧珈化身爆乳學生妹

2020年03月26日 17:04
東網電視
更多新聞短片
着到咁教人戴口罩,已經流咗鼻血先。
新冠肺炎疫情持續,好多藝人最近由外地返港,返到嚟都要接受14日家居隔離,百無聊賴下,佢哋紛紛喺社交網分享喺屋企有乜做!宅喺屋企嘅天后容祖兒(Joey),今日已經嚟到自我隔離最後一日,佢連日嚟大玩煮飯仔,今朝整咗台式蛋捲做早餐。升呢成為「俏廚娘」嘅Joey,話隔離完第一件事就係去啪骨:「第一時間想整返好個膊頭,因為自從歐洲返嚟之後,完全唔可以打側瞓,着衫舉起手都痛,苦忍多日,終於可以去啪番好佢啦!」
另一邊廂,選擇喺酒店度過嘅藝人崔碧珈,除咗彈電子琴打發時間之外,尋日佢仲Cosplay學生妹拍片教大家如何正確使用口罩,化身學生妹嘅佢就嚟逼爆件校服,片中佢一人分飾三角,扮成小朋友、崔婆婆、崔博士,佢更透露花咗12個鐘自編自導自演自拍,認真有心思!
而關智斌(Kenny)即使要留喺屋企,都唔放棄做運動Keep Fit,佢仲話鄰居貼心地喺佢門口擺低早餐同食糧,而爸爸亦買咗一大堆食物供佢煮飯,令Kenny直呼好感動呀!連周柏豪都留言歡迎落Order:「要咩出聲打畀我,哈哈!加油!」